Skip to main content

Something Stronger - Warlpiri

  • Video/Auslan
Publication date

Royal Commission yangka Violence,ki Abuse,ku manu Neglect,ki manu kuja kalu jana pingkilypa wati yapa Disability kirli ngawu kurra mani.  Yirdi nyampuju something pirrjirdi: jungangku yirri puranjaku yapa kujalu murru-murru kurra jarrija, manu pirrjirdirli ngurrju maninjaku yapangku nyampurlu First Nations wardingki paturlu kuja kalu nyina disability kirli.

Dr Scott Avery, nyanunguju langa purdanyanja-wangu wati Worimi wardingkirli nyampuju rdirri-yungu research.

Dr Avery jana wangkaja 47 pala yapaku First Nations wardingki patuku disability kirliki nyanungurra nyangu way kuja kalu nyina.  Ngulajangkuju yirrarnu nyarrpa kuja pina jarrija PhD research,rla kujalu ngurrju manuYapangku First Nations Disability Network,rli. Book kurralkurlu yirrarnu ngulaju kuja Culture is Inclusive:  Nyampuju yardiwaji Yapa manu Torres Strait wardingki patu kurlu.

Research nyampurlu ka nyanyi jirrama questions jarra:

Kamparru warnu question,ji – Nyarrpalkulpalu wangkayarla yapaju disability kirliji kajili jana yapangku murru-murru mani manu ngawu mani, manu nyiya-kanti kanti kirra ngawu kurra maninja warnu kuja kalu ngawulku nyina?

Jinta kariji ngulaju - Nyarrpalkulpalu wangkayarla yapaju disability kirliji nyanungurra nyangu aims kirliji yangka empowerment,kiji manu self-determination,ki manu nyiya kanti-kanti nyanungurra nyanguku, manu nyarrpa nganta nyampuju different nyanungurra nyangu lives, kiji?

Dr Avery,rli jana nyangu yapaju ngampurrpa wangu wangkanjakuju violence kirliji, memories nganta wiri-nyayirni kijaku manu hard nganta nyanungurrakuju yirri-puranjakuju.

Ngalya karijirli ngampurrpa jarrija yimi ngarrirninjakuju jaru kuju, nyangulu nyanu safe manu kaji kalu jana marda yapa ngalya kari ngungkurr-nyinalku. Kapulu difference nganta ngurrju mani.

Yapa kujalu wangkaja violence kirli nyampuju kula ngari jalangu kala tarnngangkujuku kalu nyanu pakarni warrarda.

Yapa panu kalu jarnku jarnku wangkami kuja juku nganta community watirlaju. Dr Avery,rli ka kujaju yirdi mani ‘trauma clusters’.

Kala kajili jana yapa kurlangu health manu wellbeing ngawu mani inequality,rli manu discrimination,rli Dr Avery,rli ka yirdi mani nyampuju ‘structural violence’.

Nyampu piyarlu violence,rli kaji ka yapaju disability kirliji ngawu manirra, jintalku kaji ka nyinamirra jalpilki. Kujaju kapulu violence,rla kankarlu juku nyinamiyi yapaju.

Dr Avery ka wangkami nyampurra piya violence kula ngalipa nyangu culture lawa.

Panu nyayirni yapa First Nations wardingkili wangkaja violence nyampuluju jana pirlirrpa jurnta kangu.  Kulalu nyanungurra wangkaja nyayirni, ngari yangka kalu ngawulku nyinami jalanguju.

Kujalu yapa wangkaja violence kirli ngulangkujulu nyanu yimi ngarrurnu  warrarda pakarninja warnu.

Yapa ngalya karili ngampurrpa wangu jarrija nyampu kurluju wangkanjakuju.

Dr Avery ka wangkami yapa yangka ngalipa nyangu disability kirlirli kula kalu use-I mani yirdi ‘empowerment’ manu ‘sovereignty’ lawa.

Ngarirli focus jarrija wankaru nyinanjaku manu wangkanjaku jurrkuku juku nyiya kanti-kanti kiji yungulu pirrjirdi nyina parra kari parra kari.

Ngalya karijili ngampurrpa jarrija wangkanjakuju yungulu nyanungurra nyangu voice nganta use-I mani yapaku help-pi maninjaku.

Dr Avery,rli ka manngu-nyanyi strength manu hope disability Yapaku First Nations wardingki patukuju important nyayirni kuja ka violence karri community watirla.

Yapa kuja kalu wangkami community watirla voice,ji ngulaju ‘sovereignty’ yapa ngari yungulu kutu wangkamirralku.

Jaru nyampuju ka change jarrimi yangka kuja karlipa trauma jangka ngurrju jarrimi manu nyampurluju ka jana help-pi mani Yapa First Nations wardingki disability kirli pirrjirdi nyinanjaku manu yungulu jinta jarrimi community kirli.

Ngalipa nyangu yapa disability kirli.rli kalu wilypi manirra strength manu culture communities watirla yungulu palka mani hope, strength manu healing.

The Disability Royal Commission,ji independent investigation nganta ngulaju violence,ki abuse,ku manu neglect,ki manu kuja kalu jana yapa ngawu kurra warraja manirralku disability kirliji nguru warru kirdi-kirdi.

Ngampurrpa nganimpaju yungurnalu nyarra jaru purdanyanyi nyurrurla nyangu.

Yungurnalu purdanyanyi jaru nyuntu manu nyuntu nyangu warlalja kurlu manu carers kurlu.

Yungunkulu nganpa trust-ti mani nganimpaju, yantarni kuturlu nganimpa kurraju manulu nganpa ngarrika kutu jaruju.

Jaru nyuntu nyangurluju kapu nganpa help-pi mani purdanyanjaku nyarrpararla kuja kalu nyanu kulungku ngarrirni manu nyiya jangka manu nyarrparlu nganta yungulu nyampuju change-ji mani.

Kajili Royal Commission ready-jarrimi kapurnalu jana recommendations yinyi government,kilki.

Ngarrirni kaji kanpau nganpa nyurrurla nyangu jaruju phone wanarlu marda video link,wana manu marda kaji kanparla statement yinyi.

Kaji kanpa nganpa ngarrirni nyuntu nyangu yimingki jiki marda kaji kanpa yirrarni painting,rla manu wirntimi manu yunparni, nyarrpa jarri kuja kanpa nyuntu.

Ringi manta nganpa 1800 517 199 kirra.

Marda yanta website kirra ngulaju: www.disability.royalcommission.gov.au kurra.

Manu jana email manta DRCenquiries@royalcommision.gov.au kurra.