Skip to main content

Something Stronger - Kimberley Kriol

  • Video/Auslan
Publication date

Dat Royal Commission blanga Violence, Abuse, Neglect and Exploitation bla pipul garram disability bin jis pudumat studi.  Dei kolum Samting Stronger: Dalimbat truwan stori blanga hurt en loss, strength en hiling brom ola First Nations pipul garram disability.

Dr Scott Avery, praudbala deafwan men brom Worimi bin dumbat dijan studi.

Dr Avery bin tok la 47 First Nations pipul garram disability blanga olabat stori. Afta na imin pudum det stori langa im PhD stadi en ola First Peoples Disability Network bin raidimdaun langa det buk Kaltja im Mijamet.  Stori blanga blekbala mob en Torres Strait Islander pipul garram disability.

Dat stadi luk langa dubala kwestjan:

  1. Det feswan kwestjan im – Hau du pipul garram disability toktok blanga olabat stori wen dei jidan angriwan en faitfait gija, en nomo bin lukaftum brabliwei, en weya sambodi bin usimbat olabat nogudwei, en ola nogud ting weya bin hepin langa olabat, En
  2. Det sekanwan kwestjan im – Hau du pipul garram disability tok blanga olabat hop en hau bla jidan strongbalawan en gudbinji wei en bla sabi hu yu, en dijan hop im difrinwan den wanim bin hepining langa yu laif.

Dr Avery bin faindat dat sambala pipul nomo bin wandim toktok blanga olabat stori, dumaji imin strongwan bla jinggabat en hadwan blanga toktok.

Sambala pipul bin mo hepi blanga dalim olabat stori wen deibin fil seif, en dat dei bin bilib langa olabat stori, en wanim debin tok gin meigim tjeinj.

Datmob pipul hu bin tok blanga olabat stori blanga violence bin tok im nomo bin wan-taim ting en dat violence im hepin olataim.

Sambala pipul bin tok dat najalot pipul langa olabat komyuniti bin abum seim stori blanga dalim.  Dr Avery bin kolum dijan ‘trauma clusters’.

Wen blanga pipul helth safring brom being trided nogudwei. Dr Avery kolum dijan ‘structural violence’.

Diskain violence meigim pipul garram disability jidan miselp brom komyuniti. En im min dat dei mait abum mo violence langa olabat laif.

Dr Avery reken dat diskain violence shud not bi pat langa wi kaltja.

Ola First Nations pipul bin dalim olabat stori blanga violence la det wei wen im meigim olabat fil brabli nogud.

Wen pipul bin tok blanga dat violence imin rili wen deibin hitam olabat.

Sambala pipul bin nomo bla tok olabat stori.

Dr Avery bin faindat blanga wi Kantrimen garram disability nomo usim wed laik “empowerment” o “sovereignty”.

Deibin jinggabat mo hau blanga kipgon blanga olabat laif en toktok blanga gudwan ting so dei gin bi strongbalawan ebridei.

Sambala pipul bin jidan garram hop blanga olabat fyutja en bin tok blanga usimbat olabat “voice” blanga album najalot pipul.

Dr Avery bin reken dat strength en hop blanga ola First Nations pipul garram disability, im impotinwan, wen im kam blanga sabi blanga violence dat hepining langa komyuniti.

Pipul langa komyuniti hu usim olabat voice blanga album najalot pipul dei kolum “sovereignty”.  Pipul gin tok blanga wanim hepining langa olabat ronwei.

Dijan stori im tjeinjing brom rili nogudwan laif to filing gudbinji blanga yu laif, en dijan im albumbat First Nations mob garram disability blanga jidan mo strongbalawan en jidan mo gulijap langa yu komyunity.

Kantrimen garram disability meigim miselp strongbala brom olabat kaltja en komyuniti blanga faindim hop en fil gudbinji.

Dat Disability Royal Commission im jidan miselp en dum report langa violence, abuse, neglect and exploitation of pipul garram disability oloba Ostraylya.

Melabat wandi lisin blanga yu stori, no mada weya yu jidan, o wani yu mait bi going thru.

Melabat wandi lisin yu stori.  Melabat wandi lisin brom yu femilimob en pipul hu lukaftumbat yu.

Melabat wandim blanga yu femilimob, blanga trastimbat mela.  Mela wandim yu bla sabi yu gin kaman langa mela en dalimbat wanim hepining garra yu.

Bla yu stori garra album mela bla sabi weya abuse hepins en wanim risan im hepin en wani garra tjeinj.

Wen tharran Royal Commission im redi, mela gin gibit stori langa Gabman.

Yu gin dalim yu stori bai toktok langa sambodi langa phone, o maiti bai bideolink, o yu gin raidimdan, en yu gin dalim feis tu feis du.

If yu wandim yu gin dalim yu stori garra yu langgus, o yu gin dum peinting, drawing, densing, o yu gin sing bla shoum wanim yu going thru.

Yu gin kol mela langa dijan namba 1800 517 199.

O bisit www.disability.royalcommission.gov.au.

O yu gin jandim leda du DRCenquiries@royalcommission.gov.au