Faasalalauga Tāua                                                                           24 Oketopa 2022

Samoan | Gagana Samoa

O mea feagai ai ma tagata e iai
aafiaga tumau i le soifua mai le faalapotopotoga CaLD o le taula'i lea o le a sosoo ai o le taualumaga lautele a le Komisi

Amata mai ia Oketopa 24, 2022 o le a faia ai le valaauga faalaua’itele lona 29 a le Komisi Aloa’ia a le Vaega e iai Aafiaga Tumau i le Soifua i Melepone e su'esu'e ai mea na tutupu e pei o faaoolima, sauaga, tuulafoa'iina ma le faaaogaina lē tatau o tagata e iai aafiaga tumau i le soifua mai tagata o aganuu ma gagana eseese (CaLD). O i e aofia ai tagata logonoa, Logonoa/tauaso ma tagata faigata ona faalogo lea e faaigoa o le CaLD.

O le Komesina o le Faailoga Tagata Lanu a Ausetalia, Chin Tan, o le a avea ma se tasi o molimau e tuuina atu faamaoniga i le valaauga, lea o le a faia mo aso e lima.

O le a talanoa Tan e faatatau i fuafuaga e fo'ia ai le faailoga lanu ma auala e faalauiloa ai le faaaofiaina o tagata e iai aafiaga tumau i le soifua mai tagata o aganuu eseese.

O aso muamua e lua o le a tilotilo aga’i i mea na tutupu i tagata tutuli; tutuli/tauaso ma faigata le faalogo o le a faasoa mea na tutupu ia latou.

O le a tatou faalogo i le tāua o le Auslan ma le faasinomaga o le tagata Tutuli. O le a faasoa e tagata tutuli mea na tutupu ia i latou i le mauaina o le gagana ma aafiaga o le lē mauaina o se gagana.

Mo aso e tolu e sosoo ai, o le a matou faalogo i molimau mai tagata e iai aafiaga tumau i le soifua mai isi ituaiga tagata ma gagana eseese CaLD.

O le valaauga o le a su'esu'e ai:

• uiga o aganuu eseese ma le malamalamaaga o aafiaga tumau i le soifua

• fevaevaea'iga^[1] ma le faasinomaga

• papupuni pe a fia maua ma galulue ma polokalame ma auaunaga i Ausetalia.

O le a tuuina mai e sui o le Malō a Ausetalia molimau e faatatau i le auai i le NDIS ma maua lagolago ma auaunaga o aafiaga tumau i le soifua mo tagata malaga mai ma tagata e iai aafiaga tumau i le soifua mai nuu CaLD.

O le Faufautua Sinia a CaLD i le Komisi Aloa’ia Dr Dinesh Palipana OAM na ia ta'ua o le aufaigaluega sa galulue faatasi sui o le Deaf ma le CaLD e tapena ai mo le valaauga.

'O le valaauga o le a taula'i i le faatalanoaina o tagata ta'ito'atasi ma o le a fesoasoani i tagata lautele e malamalama atili ai i tomai o tagata e iai aafiaga tumau i le soifua mai talaaga eseese o aganuu.

O se avanoa tāua le faailoa o papupuni e mafua ai le faaoolima, sauaga, tuulafoa'iina ma faaaogaina lē tatau o tagata e iai aafiaga tumau i le soifua mai tagata CaLD - ma su'esu'e faitioga i mataupu tau faasinomaga ma fesoota'iga.'

O le valaauga o le a faia i le Melbourne Convention ma le Exhibition Centre, 1 Convention Centre Place, South Wharf mai le 24 i le 28 Oketopa 2022, ma e tatala mo tagata lautele e fia auai.

O le au tusitala e manana'o e faasalalauina le valaauga e tatau ona logoina le au tusitala a le Komisi Aloa’ia ina ia faamautinoa e mafai ona auai i le potu o le au tusitala ma/poo ni faamatalaga o fia maua e aofia ai faasologa ma tusitusiga tu'usa'o.

Faamolemole faao’o uma fesili i le au Tusitala a le Komisi Aloa’ia i le 0436 841 166 poo le DRCmedia@royalcommission.gov.au.